<%@ Language=JavaScript %>
   

صحيفة مستقلة تصدرها مجموعة من الكتاب والصحفيين العراقيين          

 

للمراسلة  webmaster@saotaliassar.org                                                                        

 
 

 

 

لا

للأحتلال

 

 

قصيدة شعر شعبي للشاعر : هاشم صياح الحجامي

 

 

"جدم الشعب "

 

 

 

يا الما وفيت وي الشعب ...

 

يالمُنتخب ...ينرادلك ساعة لهب ...

 

ينرادلك جمعة غضب

 

 صاير عوج من راسك لحد الچعب

 

ما تنعدل ...

 

ما تنعدل لو أحطك أبمفصل گصب ...

 

اصحه اعله وكتك يا ولد ... لاتحترگ

 

لا تحترگ وانت حطب

 

حسبالك أبجنحك طرت

 

وانه ألرفعتك بصبعي

 

أبساع تنكرت ... ياللعجب .!

حسبالك يدوم العسل ...؟

 

ما سامع بهذا المثل ...؟

 

يا من نهب ...يا من سلب

 

يامن على الخشبه انصلب

 

عينك على الحطلك جنح ودله سهم

 

مو بس ألك سلة العنب

 

طك ظلعك من اچل اللحم

 

لا تنتخم وبموتك أتصير السبب

 

گبلك اجو ...هم چذبوا ..

 

هم لفلفوا  ..هم جمعوا فضة وذهب

 

تلگالهم  هسه ذكر

 

تلگالهم  هسه اسم

 

...تلگالهم اسم ولقب

 

صاروا خفت ... حرگتهم أسنون الوكت

 

داستهم اجدام الشعب ..

 

لاتنسحگ ...ما ينحمل جدم الشعب

 

ما ينحمل ... ما ينحمل ...

 

 

 

هاشم صياح الحجامي

 

 

تنويه / صوت اليسار العراقي لا يتحمل بالضرورة مسؤوليّة جميع المواد المنشورة .. ويتحمل الكُتّاب كامل المسؤولية القانونية والأخلاقية عن كتاباتهم

 

الصفحة الرئيسية | [2]  [3] [4] | أرشيف المقالات | دراسات | عمال ونقابات | فنون وآداب | كاريكاتير  | المرأة | الأطفال | حضارة بلاد الرافدين | إتصل بنا

جميع الحقوق محفوظة   © 2009 صوت اليسار العراقي

Rahakmedia - Germany

 

 

   الصفحة الرئيسية | [2]  [3] [4] | أرشيف المقالات | دراسات | عمال ونقابات | فنون وآداب | كاريكاتير  | المرأة | الأطفال | حضارة بلاد الرافدين | إتصل بنا