|
لا للأحتلال |
|
|---|
|
لا للأحتلال |
|
|---|
"الكمية "
"قصيدة شعبية عراقية ساخرة
للشاعر : هاشم صياح الحجامي
احتجاجاً على انقطاع الحصة التموينية "
اشويه ...اشويه ابشفافيه
انباگت من عدنه الكميه
لا چايات ...ولا شكرات *** ولا معجون ...ولا دهنات
ولا صابون وفاصوليه
اشويه ...اشويه ابشفافيه
انباگت من عدنه الكميه
***
أول مره انباگ التمن
والعدسات او ياه اتبخرن
نسأل لا چن ميجيبون*** وين التايت والمعجون ؟
انطونه مبارك قوطية
اشويه ...اشويه ابشفافيه
انباگت من عدنه الكميه
***
أنروح الحجي (فلان) انشده (حجي فلان وكيل الحصة )
نلگاه نايم لو يتغده
ها حجينه اشعندك بشر ***والحجي يظل بس يكفر
ويهد أعلينه بتوثيه
اشويه ...اشويه ابشفافيه
انباگت من عدنه الكميه
***
ونبگه انتاني ...انصد للمجلس
بلكي بحال الجوعان ايحس
ومنهو اليكتب منهو اليقره ***منهو يعاين على حال الفقره
ومنهو اليدري شصاير بيه
اشويه ...اشويه ابشفافيه
انباگت من عدنه الكميه
***
جوعان انه وعندي عيال وحاير بأمري
باليس واليم وافتح وانظم خلص عمري
ومن شافوني اتجيم فكري*** حطو دفعه ودفره بظهري
وطلعوني براتب بس ميه
اشويه ...اشويه ابشفافيه
انباگت من عدنه الكميه
***
المن انطي الميه شناكل
وام حسين بكل أسبوع تفرخ جاهل.!
نومتنه مخالف بالغرفه *** اشا بشته اشلون اتدفه
وكل أثلاثه ابطانيه
اشويه ...اشويه ابشفافيه
انباگت من عدنه الكميه
***
بلكي الله ويذكر جلاوي ( الرئيس جلال طالباني )
حال الفقره الكلش عاوي
ويوزع النه اطحين وتمن *** وبنياتي النوب يشبعن
وارتاح والعب چوبيه
اشويه ...اشويه ابشفافيه
انباگت من عدنه الكميه
***
هاشم صياح الحجامي
ي / الناصرية
تنويه / صوت اليسار العراقي لا يتحمل بالضرورة مسؤوليّة جميع المواد المنشورة .. ويتحمل الكُتّاب كامل المسؤولية القانونية والأخلاقية عن كتاباتهم
الصفحة الرئيسية | [2] [3] [4] | أرشيف المقالات | دراسات | عمال ونقابات | فنون وآداب | كاريكاتير | المرأة | الأطفال | حضارة بلاد الرافدين | إتصل بنا
جميع الحقوق محفوظة © 2009 صوت اليسار العراقي
|
الصفحة الرئيسية | [2] [3] [4] | أرشيف المقالات | دراسات | عمال ونقابات | فنون وآداب | كاريكاتير | المرأة | الأطفال | حضارة بلاد الرافدين | إتصل بنا |
|
|---|
